Pitkos en nog meer...

---

U wag op ons gebede soos ons op briewe wag

ook U wil van geliefdes hoor

tussen die lyne lees , die sinne troetel,

en van min versadig wees

Wat ongesê gebly het - of ongebid -

sien U genadiglik in ander kodes aan

Aan U, Oppervertolker van tekens, en van stiltes,

stuur ek 'n blanko vel,

'n liefdesbrief in wit

Twee donkies wei in die veld naby Jerusalem.

Eerste donkie:  "Ek kan dit nie verstaan nie. Eergister het almal my toegejuig en hul klere op die pad gegooi sodat ek, met Jesus op my rug, daaroor kon loop. Maar van gister af is ek weer net mooi niks. Niemand sien my eers raak nie!"

Tweede donkie: "Ja, dit wys jou net, sonder Jesus is jy niks in die lewe nie"

Vrou

het my man vroeg in ons huwelik gesê

hierdie groen trok met die tralies

en hierdie Cobra-blik vol alies

mag niemand ‘n vinger op lê

hulle moet my seun eendag hê

want met hierdie groen trok

het ek baie plase onder baie bome gebou

en met hierdie ghoen, al die outjies kallas gehou

Ek het die groen trok met die tralies

en die Cobra-blik vol alies

hoog op ‘n rak gesit

nou is die probleem dìt:

dat in twee bedjies elk

‘n fraai dogtertjie lê…..

Dis wonderlik hoe mense reageer, hier is van die terugvoer wat ons kry oor Hartspore, ons nuwe dvd:

Hallo Francios en Elizabeth,
Baie geluk met julle dvd , dit lyk stunning en julle kan baie trots wees op julle baie suksesvolle loopbaan tot op hede. Die videos en golfswings lyk baie mooi en ek kan sien julle geniet die singery en mekaar se geselskap. Sterkte met die projek .
Kosie van Niekerk
Select Music (Pty) Ltd

Elizabeth en Francois Dit lyk sommer baie goed – hoop dis ‘n groot sukses!  Groete  Alma

Hepa! Jislaaik oompie Francois wat ‘n groot vooreg om die eerste te wees om julle nuwe DVD te sien ek dink julle twee lyk amazing. Ek gaan julle verseker add op facebook.Ek verlang julle verskriklik baie en hoop alles gaan goed met julle. Waneer kom kuier julle in Windhoek ek dink die mense van Namibia sal dit baie geniet as julle weer kom kuier. Gideon Nasilowski

Baie dankie vir die inligting. Ek gaan definitief die DVD einde Julie bestel. Danie Duvenagé

Baie baie mooi! Dit is seker vreeslik lekker vir julle dat jul trots kan wees op so mooi produksie met jare se herinneringe.Dis Pragtig. Marike.

Die stukkies wat ek van jul dvd gesien het is pragtig.  Baie geluk daarmee.  Voel sommer saam met julle baie trots! Liefde en groete Saramarié

Dit lyk sommer lekker.  Dis die mooiste foto op die DVD omslag!!!  Julle is darem net ‘n stunning paar. Annalie

Het lekker geluister...dis fantasties  Anton v d Mescht

Baie dankie tog. So lekker om hierdie mooi gunstelinge van ons te sien. Liefde Wendri en Sanet

Hallo Francois en Elizabeth, Baie geluk met julle nuwe CD ! Gerhard en Karien Lindeque

Dit is 'n fantastiese DVD, ek gaan beslis een aanskaf.Liefde Pollie

Dis lyk fantasties, Oe jy is n groot seening…en inspirer soveel mense deur jou gawes. Kind Regards Alta Greyson

Baie geluk aan julle.  Lyk baie spoggerig.  Sal graag die nuus oordra wanneer ons weer ATKV byeenkoms het.Groete en seenwense. Janna Erasmus

Awesome!!!!!!!!!!!!!!!!! Groete in Jesus, Estienne Veenendaal

Hi Elizabeth, Wow, baie GELUK met  julle nuwe DVD!  Dis pragtig, ek voel sommer lus en sing saam!!! Sterkte met al julle vertonings en mag die Here alles ryklik seen.  Liefde  Annarine Fourie

Hallo Elizabeth en Francois Baie dankie dat julle laat weet het van jul nuwe DVD. Ek het daarna geloer en dit lyk en klink pragtig. Ek is so verlief op daardie een van die outydse huisie, want ek het in presies net so ‘n huisie op ‘n plaas in die Oos-Kaap grootgeword. Ek het sommer jul boodskap na ‘n klomp musiekmense aangestuur. Doen so voort, julle maak skitterende musiek. Groete en baie sterkte vir julle. Zenda Nel

Baie geluk solank!  Alle sukses hiermee.  Groete , Jopie (  Pierneef Teater )

Hallo julle

Julle is fantasties,great, maar Elizabeth is die mooiste, sorry Francois Baie Groete, Danie Gouws

Ek sing van vreugde, o Gees van God,

omdat U ons gedagtes nuut gemaak het,

dat ons hoop en vrede ken in 'n wêreld van kragtelose moedeloosheid

Ek sing van vreugde, o Gees van God,

omdat U in my woon soos 'n vredesduif

omdat U in my brand soos 'n heilige vuur

omdat U in die rukwind aan my pilare is

en die binneson is van my bestaan

Uit: Hy verkwik my siel, Struik Christelike Boeke 

‘n Jong man het as ‘n ateïs opgegroei en is opgelei as ‘n Olimpiese Duiker. Die enigste godsdienstige invloed op sy lewe, het gekom van ‘n uitgesproke christen vriend wat hy gehad het. Die jong duiker, het nooit regtig veel aandag gegee aan sy vriend se opgewondenheid oor sy geloof nie, al het die vriend tydig en ontydig daaroor gepraat.

Een aand het die jong duiker na die binnenshuise swembad van die kollege gegaan om te gaan oefen.

Die ligte was almal afgeskakel, maar die gebou waarin die swembad was het vensters in die dak gehad waardeur die maan helder geskyn het – genoeg lig vir die jongman om te kan oefen.

Die man het opgeklim na die heel hoogste duikplank.

Toe hy sy rug op die swembad draai op die puntjie van die duikplank met sy arms na die kante toe uitgestrek, sien hy sy skaduwee in die maanskyn teen die muur.

Die weerkaatsing was in die vorm van ‘n kruis …die man beleef  ‘n eienaardige gewaarwording , asof iemand met hom praat …Inplaas daarvan om te duik, het hy net daar neergekniel en vir God gevra om in sy lewe in te kom.

Net toe hy opstaan, kom ‘n werker daar verby en skakel die sportsentrum se ligte aan.

Hulle was besig met reparasie werk ……Die swembad  was dolleeg.

KOM ONS ONTHOU HIERDIE PAASFEES...

Deur: Benescke Botha

’n Mediese suster vertel onlangs van ’n bejaarde man in sy tagtigs wat een oggend rondom half 9 by die ongevallesaal opgedaag het. Dit was duidelik dat die man haastig op pad êrens heen was omdat hy kort-kort op sy horlosie gekyk het. Toe die suster na hom oorstap en hulp aanbied het die man dit dadelik aanvaar. Hy het gekom om die steke uit sy duim te laat verwyder. Terwyl die suster begin het om aan die man se hand te werk, het sy tussen die gesels deur gevra of die man op pad was na ’n ander doktersafspraak. Hy het glimlaggend geantwoord dat hy op pad was na die verpleeginrigting waar hy teen nege uur saam met sy vrou moes gaan ontbyt met.

Aangesien die man haastig voorgekom het, het die suster grappig gevra of die tannie dan kwaai was as hy laat kom. Die man het egter vertel dat sy vrou reeds vir ’n geruime tyd aan Alzheimersiekte ly. Dit was vyf jaar sedert sy hom laas herken het. Verbaas dat die man steeds soveel moeite vir sy vrou doen, het die suster spontaan gevra: “Maar oom, gaan oom steeds elke oggend na die verpleeginrigting selfs al weet oom se vrou nie meer wie oom is nie?” Die bejaarde man het geglimlag, die suster se hand sag gedruk en geantwoord: “Suster, sy ken my dalk nie meer nie, maar ek weet nog wie sy is.”

Ek wonder of ons nie soms net soos die vrou met die Alzheimersiekte raak nie. Ons raak so gefokus op ons werk of kinders by die huis dat ons totaal van God in ons lewens vergeet. Ons vergeet wat Jesus vir ons aan die kruis gedoen het. Ons vergeet dat ons daagliks die Heilige Gees by ons het om ons in waarheid en wysheid te lei. En deur alles staan God by ons hart se deur en klop. Deur alles begeer Hy dat ons na Hom sal draai.

Openbaring 3:20: “Kyk, Ek staan by die deur en Ek klop. As iemand my stem hoor en die deur oopmaak, sal Ek by hom ingaan en saam met hom 'n feesmaal hou.”

ek stuur woordblomme

omdat woorde so min kan sê

emmersvol affodil se geel

en kwaswerk van ranonkel

asters rose koringblom

kermiskleur wat uit my hart se blom mark kom

Ellie Osmers 

Uit: "VELLETJIES" , 'n gratis internet versebundel

Dis Nagmaal en die kerk is vol - behalwe die agterste drie rye wat vir ouers met babas en peuters gereserveer word, sodat hulle na die babakamer kan vlug as die jong lidmate luidrugtig raak.

"Daar huil Stephan" , sê my vrou skielik van ons liefling-kleinkind.

Deur die chaos van kleuters wat hulle ontevredenheid bekendmaak, musiek en sang, tel haar moeders oor die enkele klank van haár kleinkind op. Ek is stomgeslaan. Ek glo vas God het die toppunt van Sy skepping bereik die dag toe Hy moeders geskape het.

En dis wonderlik om te dink dat Hy deur almal se gebede ook mý stem tussen vele uitken

Andre du Preez, Kuilsrivier 

Uit: SARIE 

HALLO HALLO HALLO!

Dis 'n lekker daggie, nê? Wakkerwordjies, dit kan nog mooi raak hier rond! Lag  diep uit die maag en skreeu:

WêRELD, EK IS HIER!! 

Agge nee, watse lang gesig is dit? kry 'n koffietjie en soek die blydskap diep daarbinne! Sit daardie glimlaggie op en hardloop die lewe tegemoet! Jy kan besluit hoe jy wil wees: treurjannie, hardgebak, of vrolik en bly!

WAT'S JOU KEUSE, HU??

Lig daai koppie en laatwaai, Meraai! wees positief! Besluit jy gaan nie lê nie niks gaan jou vandag onderkry nie!

EN WEET JY WAT ...

Ons is ryk en geseënd want ons is gesond, ons kan sien, hoor, praat, dink - ons het werk, en kossies en kleertjies en bedjies en

BO ALLES:

ONS HET GOD, ONS BESTE VRIEND!

Mag die son skyn in jou hartjie vandag!

Alles van die beste!

"... na Jesus se geboorte het daar sterrekykers uit die Ooste in Jerusalem aangekom" (Matt 2:1)

Die wyse manne het volhard in hulle soektog na die Koning wie se ter hulle gesien het. God het hulle geroep op hulle eie lewensvlak en in terme wat hulle ken: deur die verkyning van 'n ster. Hulle was immers sterrekykers, geleerde priesters van hulle volk. Nou volg hulle die ster om die tweede Adam, Jesus die Messias, te aanbid en aan Hom hulde te bring.

Die ster was vir hulle die begin van die lig, want hulle was nog kinders van die duisternis. In gehoorsaamheid het hulle die ster gevolg en wat die oog nie gesien en die oor nie gehoor en in die hart van 'n mens nie opgekom het nie, dit het God berei vir hierdie sterre-troebadoers.

Hulle is deur die ster bekoor, sodat hulle die Kindjie kon vind. So roep God en soek God: Hy roep die wyse manne met 'n ster; Hy roep die skaapwagters met engelekore.  God se sondaarsliefde gee aan ons sterre om ons te lei en ons dank God vir die sterre. Maar ons mag nie in verwondering by die sterre bly staan nie.  Dis maar die begin van die verlossingsweg.  Ons moet van die ster na die Woord gaan; van die woord van God in die natuur, na die woord van God in die Skriftuur. 

Uit: Elke more nuut deur Solly Ozrovech 

vriendskap is soos 'n lappies kombers

almal verskil

maar tog is ons vasgewerk aanmekaar met dieselfde draad

of dit nou die draad van liefde, trane, hartseer, pyn, blydskap werk of geloof is

ons kan nie sonder mekaar nie

dankie dat jy deel is van my kombersie!