Nuusbrokkies
Francois en Elizabeth Fourie Ligte Musiek Geestelike Musiek Kinderliedjies Bladmusiek
Saturday, July 11, 2020
[2] Visitors Currently Online
Nuusbrokkies
Voeg by Gunstelinge

Nuusbrokkies


POSBESTEL SPESIALE AANBOD!
SPESIALE AANBOD! Kinder cd's:  Pakket van enige 4 kinder cd's vir R300 - posgeld ingesluit! Bladmusiek: Bestel en

Lees Verder...


Pitkos


winterboom
soms is dit nodig vir die mens om 'n winterboom te wees elke tak van jou siel en wese kaalgestroop van elke blaar alee

Lees Verder...


Terugvoering


Graaf Reinet
Goeie Môre Elizabeth Ons wil net van die geleentheid gebruik maak om julle te bedank vir ‘n wonderlike Lofs

Lees Verder...

 

Nuusbrokkies


May 25, 2020
POSBESTEL SPESIALE AANBOD!

SPESIALE AANBOD!

Kinder cd's:  Pakket van enige 4 kinder cd's vir R300 - posgeld ingesluit!

Bladmusiek: Bestel enige bladmusiek en kry een boekie gratis by!

Francois en Elizabeth albums: Enige drie cd's  vir R300 - Posgeld ingesluit!

Kliek op "Posbestel" om die beskikbare albums te sien!


April 6, 2020
MENSE KYK VORENTOE

'n Paar datums het bloot net geskuif. ... mense bly vorentoe kyk. Vir ons is dit so wonderlik hoe aanpaspaar die lewe kan wees! Sien op ons Kalender van optredes, alternatiewe datums vir die April optredes.

Mooi-loop, en gesondbly!


March 20, 2020
Anderdag sing ons weer!

Optredes vir die res van Maartmaand en April, is almal uitgestel. Almal voel die impak van hierdie stukkie wereld geskiedenis, op een of ander manier.

As ons terugdink aan ons musiek loopbaan, kan ons bittermin kere onthou wat enige optredes gekanselleer is. Die Goeie Vader het ons deur siektes, familie-dood of krisisse, elke keer deur gedra. Kere wanneer optredes wel geskuif is, het ons agterna gesien - ons sou daardie datum in elk gebval nie kon maak nie. So het die Here gesorg, en ons dagboek bepaal. 

Ons is teleurgesteld oor hierdie kiem-krisis en die effek wat dit op ons as muskikante het, besorg oor kollegas wat afhanklik van die inkomste is, en frustreerd omdat ons weet - musiek is ook 'n soort medisyne vir ons mense, en nou kan ons dit nie bring nie. 

Maar ons Here skryf die datums in en Hy weet ook die rede vir hierdie donker tyd in almal se lewens. Ons gee ons eie, en julle almal se lewens, in Sy Hand.

Tot anderdag ... 


March 18, 2020
Tsitsikamma Toer

Dis so mooi in die Tsitsikamma, na goeie reens. Altyd wonderlik om die velde en die bome so groen te sien! Dankie vir almal wat tot dusver ons optredes hier so mooi gereel het, en aan almal wat dit kom bywoon ... daar is tog ook "medisyne" in musiek, en terwyl almal op hol is oor virusse en ekonomie, is dit goed om bietjie te lag en te sing en sommer net weg te kom van dit alles af.

Ons sing Sondagoggend om 09h00 in NG Moederkerk, Humansdorp. Dis 'n Lofsang vir Paasfees. Dis ook 'n fisiese geloofsdaad, dat ons ons volle vertroue in Jesus plaas, wat in elk geval lankal reeds alle sonde, siektes en bekommernis op Hom geneem het. Dis 'n dankie-se dat te midde van baie onsekerheid, ons van een ding in hierdie lewe seker kan wees - en dit is ons Here.

Kom deel dit saam!


March 10, 2020
Kom kuier saam!

Ons spandeer Maartmaand in die Tsitsikamma, en het die volgende optredes: Kom kuier gerus saam! 15 Maart - N G Kerk Tsitsikamma 09h30 Lofsang vir Paasfees; 17 Maart - N G Kerksemtrum Jeffreysbaai 10h00 Kuierkonsert vir Seniors - R50 kaartjies by die deur; 22 Maart N G Moederkerk Humansdorp 09h00 Lofsang vir Paasfees; 29 Maart N G Kerk Plettenbergbaai 09h00 Lofsang vir Paasfees. Almal welkom!


March 4, 2020
Tsitsikamma toer

Francois en ek is hierdie jaar 40 jaar getroud en ons het besluit om dit 'n Jubeljaar te maak. As deel daarvan, vertrek ons eerskomende Sondag 8 Maart, vroeg hier uit Parys om die aand in daardie pragtige Grootkerk in GraaffReinet te gaan lofsing saam met die boere gemeenskap van daardie omgewing. Dit begin 18h00 en enige iemand is welkom om te kom saamsing!   Daar sal 'n dankoffer opgeneem word, en ons sal van ons geestelike- en ander cd's daar he teen R50-R100. Sondag 15 Maart doen ons 'n Paas Sangdiens in die NGKerk Tsitsikamma om 09h30. Hierdie diens het al vele harte geraak - kom gerus en geniet dit saam. Dinsdag 17 Maart hou ons 'n lekker ligte kuierkonsert in die NG Kerk Sentrum in Jeffrey's. Toegang R50 per persoon by die deur, dit begin 10h00. Sondag 22 Maart weer 'n Paas sangdiens in NG Moedergemeente Humansdorp om 09h00, en Sondag 29 Maart om 09h00, by N G Kerk Plettenbergbaai. Hoe heerlik is dit om so rond te kan ry deur ons mooie land, en om sommer net bly te wees en te sing! Hoe het die Goeie Vader ons twee nie bederf nie!


December 2, 2019
Familie tyd

Ons laaste optrede van die jaar is afgehandel - ons maak gereed om see toe te gaan, dis ons beurt om hierdie jaar ons kinders en kleintjies by ons te he... wat 'n vreugde!Baie baie dankie aan almal wat ons deur die loop van die jaar ondersteun het, gasvry ontvang het, en wonderlike geleenthede aan ons toevertrou het. Ons is so lief vir die mense wat ons musiek geniet. Dis gewone, goeie mense wat kwaliteit van musiek kan waardeer. Dis so lekker om voor julle te staan en sing en om te sien hoeveel dit vir julle beteken. Ons wens "ons" mense 'n vredevolle en veilige Kerstyd toe. En tot ons mekaar weer sien .... mag God julle veilig vashou in die palm van Sy Hand! 


November 20, 2019
Die E G Kerk verjaar!

Met die oog op feesvierings van die 75ste  bestaansjaar van die E G Kerk in Suid Afrika, toer ons hierdie naweek na EGKerk NewCastle vir 'n lekker kuier konsert Vrydag aand 22 November, en is ons Saterdag aand weer by die EGKerk Richardsbaai. Ons gaan ook Sondag aand 24 November 'n Kers Sangdiens by die EG mense van Richardsbaai hou. Almal word uitgenooi. Laat die Fees begin! Meer inligting oor ons optredes, by "Optredes". 


November 11, 2019
Optredes vir hierdie Sondag

Die datum waarop ons volgende optrede se ooreenkoms bevestig is, was 2 Desember 2018. NGKerk Daspoort. Hulle het seker gemaak hulle kry ons betyds vir hierdie jaar!! So - eerskomende  Sondagoggend 17 November bied ons ons SOMERKERSFEES Kers sangdiens aan by NGKerk Daspoort. Die kerk is in Keeromstraat, en dit begin 09h00. Almal is welkom! Dieselfde met NGKerk Tuinedal in Sasolburg - datum waarop optrede bevesitg is: 31 Januarie 2019.... feitlik 'n jaar vooruit. Ons sien julle graag eerskomende Sondag aand 17 November om 18h00. Hoe wonderlik om hierdie eeue-oue Blye Boodskap week na week te kan oorvertel, asof dit splinternuwe nuus is - want God maak alles nuut!


November 7, 2019
SOMERKERSFEES IN DIE VRYSTAAT

Eerskomende Sondag sing ons saam met die  gelowiges in Theunissen, dis by die A P Kerk om 09h30, en Sondag aand 19h00 by die NG Kerk Hennenman. Almal is welkom om dit saam te kom geniet! 


September 26, 2019
MOOISTE MOOISTE MAAND

Tyd vlieg, en hier is Oktober voor die deur. Ons sing Donderdag oggend 2 Oktober om 11h00 by FaerieGlen Aftree Oord, dit gaan sommer net 'n lekker verskeidenheid van musiek vir Seniors wees. Kontak gerus vir Maretha Wilson by 0828746131 vir meer inligting. Dan hou ons op Sondag aand 6 Oktober 'n Mooiste Maand Lofsangaand by N G Kerk Parys Wes. Dit begin 18h00. Kom gemaklik, bring 'n blom saam om voor die kruis te kom neersit as 'n simbool van dankbaarheid vir iets wat die Here vir jou persoonlik beteken het. Almal welkom!


August 19, 2019
Bespreek nou vir Desember

Die jaar vlieg!

As jy lus is vir 'n lekker wegbreek na Parys in die Vrystaat gedurende Desember, kontak ons gerus oor ons Gastehuis," 381 on Grace"

Op 'n eiland in die Vaalrivier....gesinsvriendelik, heerlike kuierstoep, pragtige gholfbaan en omgewing.

Parys bied wonderlike aktiwiteite van river rafting to spa; kunsmarkte, restourante, visvang, fiertry en park run ...  net 'n uur en 40 minute vanaf Johannesburg op 'n goeie snelweg. 

Kies GASTEHUIS by ons inhoudsopgawe en doen sommer aanlyn navraag oor beskikbaarheid! 


July 25, 2019
'N KUIER BY DIE BUUR GEMEENTE

Sondag oggend 4 Augustus gaan kuier ons by N G Kerk Schonkenville, hier in Parys. Ons gemeente versorg en bedien hierdie mense, wat dit nie breed het nie met kos en lewensmiddele. Soms gaan sing ek en Francois  'n bietjie saam met hulle, sommer vir die vreugde en welwillendheid. Almal is welkom om saam te gaan! Dis altyd 'n merkwaardige ervaring. Dis 11h00. Kom gerus!


July 2, 2019
381 ON GRACE

Kyk bietjie na die nuwe opskrif onder ons webblad se "menu" - GASTEHUIS. Daar is inligting en foto's van ons gastehuis op lieflike Vaal de Grace, net buite Parys. Die ideale naweek-wegbreek, gesins/familiekuierplek, of klein konferensie. Kom kuier! Selfs al is dit nou winter en baie vaal in die Vrystaat, het die gastehuis 'n lekker kaggel, sonnige winterstoep en selfs elektriese komberse. En die wintersdae in die Vrystaat is nie te versmaai nie: yskoue nagte, maar blou-lug sonnige windstil dae. Ideaal vir 'n laat-oggend potjie gholf op ons Nick Price ontwerp Baan.


July 2, 2019
sing die winter warm!

Juliemaand kuier ons 'n bietjie in die warmer dele van die land - ons is op 7 Julie in Phalaborwa vir 'n sangdiens by die NGKerk om 09h00, 14 Julie by NGKerk Messina, en Donderdag 18 Julie in Ellisras by die E G Kerk vir 'n heerlike gesinskonsert. Sondag 21 Julie kuier ons by NGKerk PetrusSteyn met 'n Winter-warmte sangerediens om 09h30 die oggend - sien julle daar! 




Archives

 

Nuusbrokkies
©2007 - 2019 Francois en Elizabeth (EF Musiek) en hul lisensieerders. Alle Regte Voorbehou.
Webwerf Ontwerp en Diens Verskaffing deur www.edisc.co.za