Francois & Elizabeth

Welkom by ons webwerf!
Ons is bly jy het kom kuier.
Hier kan jy ons kontak, meer van ons optredes te wete kom, en ons musiek bestel.
Ons sing vir die lekker, en deel graag ons musiek in jou omgewing!

Ons storie
Francois en Elizabeth het mekaar as studente in Pretoria ontmoet en het van toe af reeds saam gesing.

Dit was egter met die vrystelling van die immergroen treffer "Wil jy dans Carina?" in die vroee negentiger jare, waarmee hulle oornag bekendheid verwerf het - en 'n lang en interessante loopbaan het gevolg.

Francois en Elizabeth het besondere bydraes gemaak tot die Afrikaans musiekskat met oorspronklike komposisies uit Elizabeth se pen. Afrikaanse Treffers -wenners soos "Meer as Woorde" en "Vredendal tot Beestekraal", en nuwer liedjies soos "Ek hou van jou" is steeds landswyd gewild.

Elizabeth se kinderliedjies is volksbesit met liedjies soos "Morsjors", "Dierbare Ouma"  en  "Ek is bly ek ken vir Jesus", wat in die FAK en verskeie ander bundels opgeneem is.

Met hulle passie as gelowiges, leef Francois en Elizabeth hulle christenskap uit met gevoelvolle lof en aanbiddings liedere en lofsangdienste in geloofs gemeenskappe.
    
Behalwe vir hulle musiek, wat die toets van tyd deurstaan het, is dit Francois en Elizabeth se optimistiese lewens ingesteldheid en sprankel op die verhoog, wat hulle voorheen die titel as Suid Afrika se gewildste sangpaar besorg het. 

Francois en Elizabeth woon in Parys in die Vrystaat. Hulle heg baie waarde aan die vreugde wat hulle kinders en kleinkinders besorg.

Die avontuur van reis, die natuur, stap, gholf en kuiers saam met vriende, is van die ander tydverdrywe wat Francois en Elizabeth gelukkig maak.

"Die lewe is steeds die moeite werd ... geniet elke dag! "... is die boodskap wat hulle graag met hulle musiek wil oordra.